Kiungo anayetajwa kuwa bora zaidi kwa sasa nchini Clatous Chama 'CCC' amehusika katika mabao saba kati ya 15 yaliyofungwa na Simba kwa mwezi Disemba 2018 katika michuano yote.
Mabao yake matatu aliyafunga kwenye michezo ya ligi ya mabingwa dhidi ya Mbabane Swallows (2) na Nkana Fc (1).
Chama pia amehusika kutengeneza mabao manne kwenye ligi katika mwezi huu ambapo juzi alitengeneza mabao mawili kwenye ushindi wa mabao 3-1 wa Simba dhidi ya Singida United.
Chama amekuwa mchezaji kipenzi cha mashabiki katika kikosi cha Simba kutokana na uwezo wake mkubwa anaonyesha katika michezo mbalimbali.
ADVERTISE HERE
