Aussems ataka umoja Simba ligi ya mabingwa

Kocha Mkuu wa Simba Patrick Aussems ametoa neno baada ya timu yake kupangwa kundi D katika droo ya michuano ya ligi ya mabingwa barani Afrika iliyofanyika jana nchini Misri.

Simba iko kundi D pamoja na Al Ahly, JS Soura na AS Vital Club.

Aussems amesema kundi hilo liko wazi kwa kila timu kuweza kufuzu. Anatarajia kuwepo ushindani mkali baina ya timu zote.

"Hili kundi liko wazi. Litakuwa na michezo ya kusisimua. Hakika tuna nafasi ya kutinga robo fainali muhimu tuungane pamoja kuhakikisha tunafanikiwa," amesema Aussems

Michezo ya hatua ya makundi inatarajiwa kuanza kupigwa Januari 11-13 2019 Simba ikitarajiwa kuanzia nyumbani dhidi ya JS Soura ya Algeria