Timu ya Standard League inayoshiriki ligi kuu ya Ubelgiji imekuwa ikimfuatilia mshambuliaji wa Simba Adam Salamba na sasa imempa nafasi ya kwenda kufanya majaribio.
Salamba aliyetua Simba mwezi Juni 2018 anatarajiwa kuondoka wiki ijayo kufanya majaribio hayo akitarajiwa kukaa huko kwa wiki nzima.
Salamba ameifungia Simba mabao matatu katika ligi ya Tanzania Bara msimu huu. Kutokana na umri wake, huu ni wakati sahihi kwake kwenda kujaribu bahati yake.
Uongozi wa Simba umejipambanua kwa kuwa na kawaida ya 'kutowabania' wachezaji wake wanapopata nafasi ya kwenda kucheza soka nje ya nchi.
Mbwana Samatta na Emannuel Okwi ni mfano wa wachezaji ambao wamenufaika na utaratibu huo wa Simba.
ADVERTISE HERE
