Nchi itasimama kwa muda kesho - Manara

Msemaji wa klabu ya Simba Haji Manara amesema nchi itasimama kwa muda kesho wakati Simba mabingwa wa Tanzania Bara watakaposhuka dimbani kuikabili Nkana Fc kwenye mchezo wa ligi ya mabingwa.

Manara amesema kesho ni siku ya kipekee kwa mashabiki wa Simba kwani wanakwenda kuandika historia nyingine katika dimba la Taifa.

"Sahau kuhusu lile nyomi la SIMBA DAY ambalo mashabiki elfu 53 na ushee waliingia uwanja wa Taifa, kesho tunajaza siti zote," alisema

"Tunawataka mashabiki wetu waje uwanjani kwa wingi, mageti yatafunguliwa mapema."

"Kesho ni kufa na kupona, tuje kwa wingi tudhihirishe kuwa sisi ndio timu pendwa na yenye historia iliyotukuka katika michuano ya kimataifa"

Mchezo dhidi ya Nkana Fc unatarajiwa kuanza saa kumi kamili jioni.