Kocha Mkuu wa Simba Patrick Aussems amesema amewapa maelekezo wachezaji wake kuhakikisha wanafanya mashambulizi ya nguvu kwenye mchezo wa kesho dhidi ya Nkana Fc na kuweza kufunga mabao mapema.
Simba inahitaji ushindi wa bao 1-0 tu kuweza kutinga hatua ya makundi lakini Aussems raia wa Ubelgiji amesema watahitaji kufunga mabao mengi ili kujiweka katika mazingira mazuri zaidi.
"Tunahitaji kushinda bao 1-0 ili tuweze kusonga mbele. Lakini nimewaelekeza wachezaji wangu wahakikishe wanafunga mabao zaidi ili kujiweka salama," amesema Aussems
"Tutacheza kwa kushambulia lengo tufunge bao la mapema ili tuweze kuumiliki mchezo."
Homa ya mchezo huo utakaopigwa kwenye uwanja wa Taifa kesho Jumapili, imezidi kupanda huku mashabiki wakiendelea kuhamasishwa ili wafurike kwa wingi 'kwa mchina' kuwapa sapoti mabingwa hao wa Tanzania Bara.
Wapinzani wa Simba, Nkana Fc wako nchini tangu Jumatano iliyopita na leo jioni wanatarajiwa kufanya mazoezi kwenye uwanja wa Taifa
