Kwa moto huu Okwi lazima awe mfungaji bora

Emanuel Okwi mshambuliaji wa Kimataifa wa Simba ameshapachika mabao sita kwenye michuano ya ligi kuu ya Vodacom.

Idadi hiyo ya mabao amefunga katika michezo miwili tu kati ta mitatu aliyocheza.

Kwa mfumo unaotumiwa na kocha Joseph Omog sioni kitakachomzuia Okwi kuwa mfungaji bora msimu huu na bila shaka ataisaidia Simba kutwaa ubingwa.

Okwi ni mjanja, licha ya kucheza pembeni, hupenda kuvizia kwenye mstari wa mwisho wa walinzi wa timu pinzani.

Aidha uelewano mzuri aliotengeneza kati yake na viungo Mzamiru Yassini na Haruna Niyonzima ni dhahiri utachaingia yeye kuibuka mfungaji bora.

Sifa nyingine kubwa aliyonayo ni uwezo wake mkubwa wa kufunga kwa mashuti ya mbali. Okwi ana mahesabu makali sana, maamuzi yake ni ya haraka.