Basi la Simba lakarabatiwa tayari kuwarudisha mashabiki Dar

Basi la klabu ya Simba ambalo lilipata ajali juzi nchini Zambia wakati likiwapeleka mashabiki kuipa sapoti timu kwenye mchezo wa ligi ya mabingwa dhidi ya Nkana Fc, limefanyiwa ukarabati mdogo tayari kurejea nchini na mashabiki hao.

Basi hilo lilipata ajali juzi wakati likielekea mjini Ndola baada ya kugongana na Lori maeneo ya Kapiri Mposhi nchini Zambia.

Uongozi wa klabu ya Simba umethibitisha kuwa basi hilo limefanyiwa ukarabati na liko tayari kuanza safari ya kurejea nchini.



Kikosi cha Simba tayari kimeondoka Zambia na kinatarajiwa kuwasili nchini saa 9:40 usiku wa kuamkia kesho