Kiungo wa Mbabane atajwa kutua Simba

Uongozi wa Mbabane Swallows umethibitisha kuwa Simba imewasiliana nao ikitaka kumsajili kiungo tegemo wa timu hiyo Njabulo Ndlo­vu ‘D4D’ .

Simba ilikutana na Mbabane Swallows katika michezo miwili ya hatua ya awali ya michuano ya ligi ya mabingwa na kuibuka na ushindi wa jumla wa mabao 8-1.

Ndlo­vu alikuwa miongoni mwa wachezaji waliofanya vizuri katika kikosi cha Mbabane

Kiungo huyo mkabaji anawaniwa na Simba ili kuimarisha nafasi hiyo ambayo anategemewa zaidi Jonas Mkude na mara chache James Kotei

Juzi Kocha Mkuu wa Simba Patrick Aussems alidokeza kuwa watakamilisha usajili wa mchezaji mmoja kabla ya dirisha kufungwa hapo kesho.

Huenda mchezaji huyo akawa Ndlovu