Simba kusajili kifaa kingine kabla ya dirisha la usajili kufungwa

Kocha Mkuu wa Simba Patrick Aussems amesema timu hiyo itasajili mchezaji mwingine kabla ya dirisha dogo la usajili kufungwa Jumamosi, Disemba 15 2018

Aussems amesema uongozi wa Simba uko mbioni kukamilisha usajili wa mchezaji huyo ambaye hata hivyo hakutaka kuweka wazi jina lake wala nafasi anayocheza

"Viongozi watakamilisha usajili wa mchezaji mwingine kabla ya Disemba 15. Ndani ya saa 48 nadhani kila kitu kitakuwa sawa na taarifa kamili itatolewa," alisema Aussems

Simba tayari imekamilisha usajili wa mlinzi wa kulia Zana Coulibaly aliyetua hivi karibuni kuziba pengo la Shomari Kapombe anayeendelea na matibabu Afrika Kusini baada ya kupata majeraha makubwa ambayo yanaweza kumuweka nje kwa muda mrefu.