Aussems agoma kuuza wachezaji Simba

Hivi karibuni zimeripotiwa taarifa kuwa baadhi ya wachezaji waandamizi wa kikosi cha Simba wanawaniwa kusajiliwa na timu nyingine.

Emmanuel Okwi, Meddie Kagere na Cleotus Chama ni miongoni mwa wachezaji ambao sahihi zao zinawindwa na vilabu kadhaa ndani na nje ya Afrika

Okwi amekuwa akihusishwa na klabu ya Kaizer Chiefs ya Afrika Kusini ambayo taarifa za uhakika ni kwamba imeshawasilisha ofa mezani kwa uongozi wa Simba ikitaka kumsajili

Hata hivyo kocha Mkuu wa Simba Patrick Aussems amezuia usajili wa Okwi kuelekea nchini Afrika Kusini akieleza bado anamuhitaji mchezaji huyo

Kocha huyo raia wa Ubelgiji amesema kwa sasa asingependa kuwaona wachezaji hao muhimu wakiondoka kikosini.

Amesema ili kuweza kutimiza malengo yao katika michuano ya ligi ya mabingwa, ni muhimu kuwa na wachezaji hao.

Mbali na Okwi, uongozi wa Simba umezikataa ofa za Zamalek na AS Vital zilizokuwa zinamuwania Meddie Kagere.