Juuko arejea kikosini Simba

Beki kisiki wa Kimataifa Juuko Murshidi amerejea katika kikosi cha Simba baada ya kupona majeraha.

Juuko aliumia wakati akiitumikia timu ya Taifa ya Uganda ilipokwenda Nigeria kucheza mchezo wa kirafiki

Juuko alianza mazoezi jana jioni na mabingwa hao wa Tanzania Bara wanaojifua kwenye uwanja wa Boko Veterans jijini Dar es salaam.

Mganda huyo alikosa mchezo dhidi ya Mbabane Swallows na huenda akajumuishwa kwenye kikosi cha Simba kinachotarajiwa kuondoka kesho kwenda Eswatini kwa ajili ya mchezo wa marudiano wa ligi ya mabingwa dhidi ya Swallows