Wakala wa Salamba afunguka safari ya mchezaji huyo Ulaya

Wakala wa mshambuliaji wa Simba Adam Salamba amesema kuna timu tatu kutoka barani Ulaya ambazo zimeonyesha nia ya kutaka kumsaini mchezaji huyo.

Jamal Kisongo amesema timu hizo tayari zimepewa taarifa na takwimu za mchezaji huyo kwa ajili ya kwenda kuzifanyia kazi.

Jana Kisongo aliliambia gazeti na Championi kuwa hadi sasa kuna timu tatu zimeleta ofa ya kumtaka Salamba ambapo zimehitaji takwimu zake kujua amecheza mechi ngapi msimu huu na ule uliopita na tayari wamefanya hivyo na kila kitu kinaweza kukamilika Desemba, mwaka huu.

“Kuna timu tatu ambazo zimeleta ofa za kumtaka Salamba moja kwa moja wakihitaji aende kufanya majaribio ambapo kwanza walihitaji takwimu zake kujua amecheza mechi ngapi msimu uliopita na msimu huu na idadi ya mabao aliyofunga, tayari tumeshakamilisha zoezi hilo kwa kuwasilisha video zake zote alizocheza.

“Kila kitu kimeshakamilika kwa upande wake lakini tunasubiri muda ufike ndio tujue anaende wapi, kwa sasa ni mapema mno kutaja timu hizo hadi mipango itakapokamilika ila nimeshaongea na mchezaji juu ya kujiandaa na safari,” alisema Kisongo.

Kocha Mkuu wa Simba Patrick Aussems aliwahi kumtabiria mshambuliaji huyo kuwa huenda akapata nafasi ya kwenda kucheza soka Ulaya kama ataendelea kujituma zaidi kuimarisha kiwango chake kutokana na umri wake kuwa mdogo