Aussems asaka tiba ya ubutu wa safu ya ushambuliaji Simba

Kocha Mkuu wa Simba Patrick Aussems amesema bado safu yake ya ushambuliaji ina mapungufu licha ya jitihada anazofanya kahakikisha timu inafunga mabao mengi

Akizungumza baada ya mchezo dhidi ya Lipuli Fc juzi, Aussems hakufurahishwa na mwenendo wa safu yake ya ushambuliaji iliyokosa mabao mengi ya wazi.

"Bocco na Kagere wote wamekuwa wakifanya vizuri sana mazoezini wakifunga mabao mengi, lakini wote wameshindwa kutumia nafasi dhidi ya Lipuli,

"Inawezekana kukosekana kwa Okwi (Emmanuel) nako ni tatizo au sio tatizo, sijajua tatizo ni Kagere (Meddie) au Bocco (John) lakini jambo hili litafanyiwa kazi mchezo wa Jumatano kwasababu tunataka ushindi” alisema Aussems.

Simba inahitaji kupata ushindi mnono Jumatano ili kujiwekea mazingira mazuri ya kufuzu raundi ya kwanza ya michuano ya ligi ya mabingwa.