Manara awaita mashabiki uwanja wa Taifa kesho

Msemaji wa klabu ya Simba Haji Manara amewataka mashabiki wajitokeze kwa wingi kwenye uwanja wa Taifa kesho Ijumaa katika mchezo wa ligi kuu ya Tanzania Bara kati ya Simba dhidi ya Lipuli Fc.

Manara amesema sapoti ya mashabiki wengi itaongeza 'mzuka' kwa wachezaji kwenye mchezo huo unaotarajiwa kuanza saa kumi jioni.

Akiizungumzia Lipuli Fc, Manara amesema timu hiyo iliwasumbua msimu uliopita kwani ilifanikiwa kupata sare kwenye michezo yote miwili lakini mambo hayatakuwa hivyo msimu huu.

"Tunawajua Lipuli vzuri na tunafahamu ndio timu pekee iliyopata sare pacha katika msimu uliokwisha wa ligi"

"Lakini Simba ndio bingwa wa Taifa hili ndio Wafalme wa Nchi na Nyika zake ikiwemo nyika ya Sultani Mkwawa hadi Ruaha," ametamba Manara

"Tunaingia kesho tukiwa kamili,Full Gado with full Swing!!
Njoo Taifa kesho saa kumi uone football Raha na Football Magoli toka kwa Le Professor Aussems

"Mipasi na miudambwi dambwi ya mchanganyiko wa kisouth America na kibelige toka kwa kocha mwenye akili zake , Wanasimba na wale wote mpendao football Raha usikose kesho kuja kuona kababu ya nyama ya juju!"