Tully akubali kushindwa, akiri uchaguzi ulikuwa huru

Aliyekuwa Mjumbe wa kamati Tendaji ya Simba, Said Tully amesema wanachama wa klabu hiyo walifanya uamuzi sahihi katika uchaguzi wa jana Jumapili.

Alisema hayo mara baada ya Mwenyekiti wa kamati ya uchaguzi Boniface Lyamwike kutangaza washindi katika uchaguzi huo.

Tully wa wenzake watatu waliokuwa katika uongozi uliopita hakuna hata mmoja ambaye alipata nafasi ya kurudi kwa maana ya kushinda.

Wajumbe watatu wengine ambao walikuwa katika uongozi uliopita na hawakurudi ni Iddy Kajuna aliyekuwa kaimu makamu Rais wa Simba.

Wengine Ally Suru na Jasmine Badar ambao wote mbali ya kupigiwa kura hazijatosha na kushinda katika uchaguzi wa jana.

"Nadhani kushindwa kwetu wanne ambao tulikuwa katika uongozi uliopita wala sioni tatizo tutajipanga upya na kuona jinsi gani tunaendelea kutoa mchango wetu ndani ya Simba," alisema.

"Wanachama nadhani wamefanya uamuzi sahihi kwa kuchagua viongozi ambao ni sahihi.

"Mchakato mzima wa uchaguzi kwangu ulikuwa mzuri wa kweli na haki wala haukuwa na shida yoyote," alisema Tully.