Prisons yamtaka Mo Rashidi kwa mkopo

Wakati dirisha dogo la usajili likikaribia kufunguliwa, timu zinazoshiriki ligi Kuu zimeanza mikakati ya kutumia ipasavyo muda huo mfupi kuimarisha vikosi vyao.

Klabu ya Tanzania Prisons imebainisha kuwa itapeleka maombi kwa klabu ya Simba kumuomba kwa mkopo mshambuliaji wao wa zamani Mohammed Rashidi.

Mo Rashidi amekosa nafasi kwenye kikosi cha kocha Patrick Aussems akiwa hajacheza na hata kukaa benchi katika michezo yote 10 iliyocheza Simba mpaka sasa kwenye ligi.

Kocha Mkuu wa Tanzania Prisons Abdallah Mohammed amekiri kuwa timu yake inakabiliwa na changamoto kwenye safu yake ya ushambuliaji na watajaribu kumrejesha mshambuliaji wao huyo wa zamani