Hans Poppe amtaka Kapombe ajitathmini

Mwenyekiti wa kamati ya usajili klabu ya Simba Zacharia Hans Poppe amemtaka beki wa kulia wa timu hiyo Shomari Kapombe ajitathmini kama aendelee kubaki Simba au aondoke.

Tangu asajiliwe na Simba, Kapombe hajacheza mchezo wowote kutokana na majeruhi 'yasiyopona'.

Poppe amekiri kwamba, walimsajili Kapombe kwa sababu walikuwa wanamhutaji lakini kama bado hajapona majeruhi yake inabidi wakae na kuzungumza kuona wanafanyaje kuhusu hilo.

Kuhusu tetesi za beki kutemwa katika kirisha dogo la usajili, Poppe amesema, hiyo itakuwa ni juu yake mwenyewe (Kapombe) kama amepona acheze kama hawezi basi.

“Hiyo itakuwa juu yake mwenyewe, kama amepona acheze kama hawezi basi, huwezi kumlipa mtu mshahara wakati hafanyi kazi inayotakiwa kufanywa.”

“Inategemea nay eye mwenyewe, kama anataka kucheza acheze, hataki ahame sio anakula hela bure. Majeruhi gani yasiyopona muda wote huo? Kama majeruhi basi akae pembeni hadi apone kwa sababu hii ni kazi ambayo mtu unahitaji kutumia mwili wako kama mwili hauwezi sasa utamlipa mshahara wa kazi gazi.”

"Vipimo vinaonesha amepona vizuri tu, lakini yeye anaweza kuwa anaogopa ataumia, sasa ni yeye mwenye aamue anacheza au hachezi."