Timu ya Taifa ya Tanzania 'Taifa Stars' imefufua matumaini ya kufuzu fainali za michuano ya AFCON 2019 baada ya kuilaza Cape Verde mabao 2-0 katika mchezo uliopigwa dimba la Taifa jijini Dar es salaam.
Mabadiliko ya kikosi yaliyofanywa na kocha Emmanuel Amunike kwa kuwaanzisha Shomari Kapombe na Kelvin Yondani huku akimtumia kiraka Erasto Nyoni kwenye safu ya kiungo cha chini, yalikuwa na faida kwani yaliimarisha zaidi timu katika kujilinda huku Nyoni akitawala dimba.
Nahodha Mbwana Samatta angeweza kuitanguliza Stars mapema tu kwenye kipindi cha kwanza kama angefunga mkwaju wa penati baada ya Msuva kufanyiwa madhambi kwenye eneo la hatari.
Hata hivyo kwenye dakika ya 29 Samatta alisahihisha makosa yake baada ya kuwaramba chenga walinzi wa Cape Verde kabla ya kumtengea pasi murua Simon Msuva aliyeihesabia Stars bao la kuongoza.
Samatta aliyekuwa mwiba mkali kwa safu ya ulinzi ya Cape Verde aliifungia Stars bao la pili kwenye dakika ya 65 baada ya kuachia shuti kali akiwa ndani ya 18.
Samatta alianzisha shambulizi lililozaa bao hilo ambapo alipasiana na Mudathir Yahya kabla ya kurejeshewa mpira huo na kuujaza kambani.
Licha ya kumiliki mpira kwa muda mwingi, Cape Verde ilishindwa kuipenya ngome ya Stars iliyotumia mfumo wa kujilinda na kushambulia kwa pamoja.
Ushindi huo umeipandisha Stars hadi nafasi ya pili kwenye msimamo wa kundi L baada ya kufikisha alama tano.
Kama Uganda itaifunga Lesotho au hata matokeo ya sare, yatatosha kuibakisha Stars kwenye nafasi ya pili baada ya mzunguuko wa nne.
Mabadiliko ya kikosi yaliyofanywa na kocha Emmanuel Amunike kwa kuwaanzisha Shomari Kapombe na Kelvin Yondani huku akimtumia kiraka Erasto Nyoni kwenye safu ya kiungo cha chini, yalikuwa na faida kwani yaliimarisha zaidi timu katika kujilinda huku Nyoni akitawala dimba.
Nahodha Mbwana Samatta angeweza kuitanguliza Stars mapema tu kwenye kipindi cha kwanza kama angefunga mkwaju wa penati baada ya Msuva kufanyiwa madhambi kwenye eneo la hatari.
Hata hivyo kwenye dakika ya 29 Samatta alisahihisha makosa yake baada ya kuwaramba chenga walinzi wa Cape Verde kabla ya kumtengea pasi murua Simon Msuva aliyeihesabia Stars bao la kuongoza.
Samatta aliyekuwa mwiba mkali kwa safu ya ulinzi ya Cape Verde aliifungia Stars bao la pili kwenye dakika ya 65 baada ya kuachia shuti kali akiwa ndani ya 18.
Samatta alianzisha shambulizi lililozaa bao hilo ambapo alipasiana na Mudathir Yahya kabla ya kurejeshewa mpira huo na kuujaza kambani.
Licha ya kumiliki mpira kwa muda mwingi, Cape Verde ilishindwa kuipenya ngome ya Stars iliyotumia mfumo wa kujilinda na kushambulia kwa pamoja.
Ushindi huo umeipandisha Stars hadi nafasi ya pili kwenye msimamo wa kundi L baada ya kufikisha alama tano.
Kama Uganda itaifunga Lesotho au hata matokeo ya sare, yatatosha kuibakisha Stars kwenye nafasi ya pili baada ya mzunguuko wa nne.
ADVERTISE HERE
