Mkude yuko vizuri, arejea kambi ya timu ya Taifa

Juzi kiungo fundi wa Simba Jonas Mkude aliwatia hofu mashabiki wa timu hiyo baada ya kupata majeraha kwenye mchezo wa ligi kuu ya Tanzania bara dhidi ya African Lyon.

Hofu hiyo haikuwa kwa mashabiki wa Simba tu, bali hata kwa mashabiki wa soka nchini kwani Mkude ni miongoni mwa wachezaji wanaotegemewa kuibeba Stars kwenye michezo ya kusaka tiketi ya kutinga fainali za AFCON 2019 dhidi ya Cape Verde.

Habari njema ni kwamba Mkude alipata majeraha ya kawaida kwenye mchezo huo na tayari amerejea kambi ya timu ya Taifa.

Mbali na Mkude wachezaji wengine wa Simba ambao tayari wamerejea kambi ya timu ya Taifa ni Aishi Manula na Shomari Kapombe.

John Bocco hakuwa sehemu ya kikosi cha Simba kilichocheza na African Lyon kutokana anatumikia adhabu ya kukosa michezo mitatu.

Nahodha huyo wa Simba alibaki kambini akiendelea kujifua kwenye kikosi cha Stars kinachonolewa na nyota wa zamani wa Nigeria, Emmanuel Amunike.

Haruna Niyonzima na Meddie Kagere wao wameondoka kwenda kujinga na kambi ya timu ya Taifa ya Rwanda, Okwi na Murshidi timu ya Taifa ya Uganda na Cleotus Chama timu ya Taifa ya Zambia