Mchezo dhidi ya Yanga kupigwa saa 11 jioni

Uongozi wa Simba umethibitisha mchezo wa ligi kuu ya Tanzania Bara dhidi ya Yanga utakaopigwa keshokutwa Jumapili Septamba 30 kwenye uwanja wa Taifa, utaanza saa 11 jioni.

Simba ndio mwenyeji wa mchezo huo wa kwanza baina ya timu hizo msimu huu.



Afisa Habari wa Simba Haji Manara amesema wamepanga muda huo kwa kuwa wanaamini ni muda mzuri kwa mashabiki wengi zaidi kujitokeza uwanjani.

Aidha, Manara amewaasa mashabiki kukata tiketi zao mapema ili kuepuka usumbufu unaoweza kujitokeza Jumapili siku ya mchezo.