Simba yajifua kuikabili Mbao Fc kesho

Kikosi cha mabingwa wa ligi kuu ya Tanzania Bara, Simba kimeendelea kujifua jijini Mwanza kujiandaa na mchezo wa ligi kuu dhidi ya Mbao Fc kesho.

Simba iko Mwanza tangu jana ambapo jana jioni na leo asubuhi imefanya mazoezi kwenye uwanja wa Nyamagana.

Leo jioni Simba inatarajiwa kufanya mazoezi kwenye uwanja wa CCM Kirumba kujiandaa na mchezo huo ambao Simba inahitaji kushinda ili kutuliza 'mzuka' wa mashabiki wake ambao hawakufurahishwa na matokeo ya mchezo uliopita ya kulazimishwa suluhu ya bila kufungana na Ndanda FC.

Simba iko jijini Mwanza ikiwa na kikosi chake kamili kinachowajumuisha washambuliaji Emmanuel Okwi, Meddie Kagere na John Bocco.