Ndemla kutimkia Sweden kesho

Ile safari ya kiungo mahiri wa Simba Said Hamisi 'Ndemla' ambaye ilikuwa aondoke jana kwenda nchini Sweden sasa ataondoka kesho Alhamisi Novemba 09 kulingana na taarifa mpya iliyotolewa na uongozi wa Simba.

Kwa mujibu wa taarifa iliyotolewa jana, ilieleza Ndemla ataondoka kesho baada ya mipango ya safari hiyo kushindwa kukamilika kwa wakati.

“Tunapenda kuwafahamisha kuwa safari ya mchezaji wetu Hamis Said Juma Ndemla iliyokuwa ifanyike leo Jumanne imesogezwa mbele”-Haji Manara, Afisa Habari Simba.

“Ndemla ambaye amepata nafasi ya kwenda kufanya majaribio katika klabu ya AFC Eskilstuna inayoshiriki ligi kuu nchini Sweden ,sasa ataondoka nchini siku ya Alhamis ya tarehe 9 ya mwezi huu.”

“Mabadiliko haya ya safari hayataathiri muda wake wa majaribio katika klabu hiyo,ambapo atakuwa huko kwa siku 14.”