Tuna uwezo wa kushinda katika mazingira tofauti - Barker

Mwana Msimbazi By Mwana Msimbazi
β€’
21m ago
Tuna uwezo wa kushinda katika mazingira tofauti - Barker

Kocha Mkuu wa Simba SC, Steve Barker, amepongeza kiwango na uimara wa kikosi chake baada ya kuibuka na ushindi wa mabao 2-1 dhidi ya JKT Tanzania, akisisitiza kuwa timu yake imeonyesha uwezo wa kushinda michezo hata inapokutana na mazingira magumu.

Barker amesema ushindi huo haukuwa rahisi kutokana na upinzani mkali kutoka kwa JKT Tanzania, ambao walipambana kwa nguvu na kuifanya Simba kutumia juhudi kubwa kuhakikisha inaondoka na alama zote tatu.

Akizungumzia mchezo huo, Barker ameeleza kuwa moja ya changamoto kubwa walizokutana nazo ni faulo nyingi zilizokuwa zikifanywa na wapinzani wao, hali iliyokuwa ikikatiza kasi ya mchezo na kuathiri mtiririko wa mashambulizi ya Simba.

Hata hivyo, kocha huyo ameonyesha kuridhishwa na namna wachezaji wake walivyokabiliana na changamoto hizo, wakionyesha nidhamu, uvumilivu na ari ya kupambana hadi dakika ya mwisho.

Ajivunia rekodi ya ushindi 11 mfululizo

Kocha huyo amesema jambo linalompa furaha zaidi ni kuona Simba ikiendelea kudumisha kiwango chake cha ushindi licha ya kukutana na wapinzani wenye mbinu na aina tofauti za uchezaji.

Simba imefanikiwa kushinda michezo yote 11 iliyocheza katika Ligi Kuu Tanzania Bara, ikikusanya alama 33 kati ya 33 zinazowezekana na kuendelea kuongoza msimamo wa ligi kwa tofauti ya alama tano.

Amebainisha kuwa si kila mchezo unaweza kuwa rahisi au kwenda kulingana na mipango ya benchi la ufundi, lakini jambo la msingi ni kuhakikisha timu inapata matokeo yanayohitajika.

Katika mchezo huo, Simba ililazimika kutoka nyuma baada ya JKT Tanzania kupata bao la kuongoza dakika ya 10.

Hata hivyo, mabao ya Elie Mpanzu dakika ya 20 na Libasse Gueye dakika ya 34 yaliihakikishia Simba ushindi wa mabao 2-1 na kuendeleza rekodi yake ya kutopoteza hata alama moja.

Licha ya JKT Tanzania kuongeza mashambulizi katika kipindi cha pili, Simba ilifanikiwa kulinda uongozi wake hadi mwisho wa mchezo.

Simba SC Stories

Highlights : JKT Tanzania 1-2 Simba, NBC PL (FT)
Highlights : JKT Tanzania 1-2 Simba, NBC PL (FT)
40m ago
READ MORE β†’
Magazeti ya leo Jumapili, Novemba 22 2026
Magazeti ya leo Jumapili, Novemba 22 2026
47m ago
READ MORE β†’
FT : JKT Tanzania 1-2 Simba, NBC PL, Nov 21
FT : JKT Tanzania 1-2 Simba, NBC PL, Nov 21
11h ago
READ MORE β†’
Orodha ya wagombea waliochukua fomu Simba
Orodha ya wagombea waliochukua fomu Simba
13h ago
READ MORE β†’
Kikosi : JKT Tanzania vs Simba, NBC PL, Nov 21
Kikosi : JKT Tanzania vs Simba, NBC PL, Nov 21
14h ago
READ MORE β†’
Simba ugenini dhidi ya JKT Tanzania leo, NBC PL
Simba ugenini dhidi ya JKT Tanzania leo, NBC PL
23h ago
READ MORE β†’
Chilambo ameumia kidole gumba, anaweza kufanyiwa upasuaji
Chilambo ameumia kidole gumba, anaweza kufanyiwa upasuaji
1d ago
READ MORE β†’
Wagombea zaidi wajitokeza siku ya mwisho kuchukua fomu Simba
Wagombea zaidi wajitokeza siku ya mwisho kuchukua fomu Simba
1d ago
READ MORE β†’
Magazeti ya leo Jumamosi, Novemba 21 2026
Magazeti ya leo Jumamosi, Novemba 21 2026
1d ago
READ MORE β†’
Barker apania kuendeleza wimbi la ushindi baada ya mapumziko ya FIFA
Barker apania kuendeleza wimbi la ushindi baada ya mapumziko ya FIFA
1d ago
READ MORE β†’