Huku zoezi la uchukuaji fomu za kuwania uongozi ndani ya klabu ya Simba likiwa limepangwa kuanza rasmi leo, mchakato huo umeingia dosari kufuatia mvutano mkali wa kisheria na kikatiba kati ya Simba na Kamati ya Uchaguzi ya Shirikisho la Mpira wa Miguu Tanzania (TFF).
Tumekuwa na mvutano wa masuala mbalimbali ikiwemo tarehe ya kufanyika uchaguzi huo ambapo Wanachama wengi wa Simba wamejitokeza kupinga tarehe pendekezwa ya Januari 30 wakitaka uchaguzi huo ufanyika Januari 03 kama ilivyotangazwa awali.
Hata hivyo Kamati ya Uchaguzi ya TFF imesimamia msimamo wake wa uchaguzi kufanyika Januari 30 huku ikisisitiza kusimamia uchaguzi huo kulingana na miongozo na kalenda waliyoipanga, hatua inayotajwa na baadhi ya wadau wa Simba kama kuingilia masuala ya ndani ya klabu.
Kwa mujibu wa taarifa ya Kamati ya uchaguzi ya TFF, zoezi la kuchukua na kurejesha fomu linaanza rasmi leo, Novemba 16, na litahitimishwa Novemba 20, 2026.
Uchaguzi huo unatarajiwa kujaza nafasi zifuatazo:
- Mwenyekiti (au Rais): Nafasi kuu ya juu ya klabu.
- Wajumbe watano (5): Wa Bodi ya Wakurugenzi upande wa mashabiki/wanachama.