Kuelekea usajili wa dirisha dogo, jina la mshambuliaji wa Kaizer Chiefs ya Afrika Kusini, Etiosa Ighodaro, likitajwa kwenye rada za vinara wa ligi kuu ya NBC, Simba SC.
Inaelezwa kuwa wekundu wa Msimbazi wameanza kufanya tathmini ya uwezekano wa kuongeza nguvu katika safu yao ya ushambuliaji, na jina la Ighodaro limeingia kwenye orodha ya wachezaji wanaoweza kuwindwa.
Mshambuliaji huyo mwenye uraia wa Nigeria anatajwa kuwa miongoni mwa chaguo zinazovutia kutokana na uzoefu wake katika soka la Afrika Kusini, ambako amewahi kuzitumikia klabu mbalimbali ikiwemo Chippa United, SuperSport United na AmaZulu kabla ya kujiunga na Kaizer Chiefs.
Simba imetajwa kuwa na nia ya kufanya jaribio la kumpata nyota huyo, ikiamini anaweza kuongeza makali katika eneo la ushambuliaji.
Kinachoongeza nguvu kwenye tetesi hizi ni madai kwamba mshambuliaji huyo anataka kuondoka Chiefs baada ya kutohakikiwa nafasi ya kudumu katika kikosi cha kwanza cha Kaizer Chiefs.
Cheifs wanaweza kuridhia hata kumtoa kwa mkopo katika dirisha dogo la usajili la Januari 2027. Hiyo inaweza kuwa fursa kwa Simba kujaribu kumshawishi kuhamia Tanzania.
Simba imeanza mapema msako wa mshambuliaji anayeweza kuwa mbadala wa Ibrahim Doumbia ambaye bado hajaweza kuonyesha ushawishi wa kulinda nafasi yake.