Simba kukata rufaa kifungo cha Robert

Uongozi wa Simba umeweka wazi dhamira ya kuikatia rufaa ya hukumu ya kifungo cha soka cha mwaka mmoja alichopewa Meneja wake Robert Richard.

Jana Kamati ya Maadili ya Shirikisho la soka nchini (TFF) ilimfungia Robert baada ya kumpata na hatia ya makosa mawili ya kuihujumu timu ya Taifa akidaiwa kuwakwamisha wachezaji wa Simba kuripoti kambi ya timu ya Taifa kwa wakati.

Kaimu Rais wa Simba Salim Abdallah 'Try Again' amesema uongozi wa Simba umefikia makubaliano ya kuikatia rufaa hukumu hiyo baada ya kutorishishwa nayo.

"Tumepata taarifa juu ya kufungiwa kwa Robert. Yule ni mwajiriwa wetu sisi kama klabu tumekaa tumelijadili na tumelitafakari tutamtetea kuna ngazi za rufaa tutawajulisha," amesema