Mchezo wa mkondo wa kwanza kuwania kufuzu hatua ya makundi ligi ya mabingwa kati ya 15 de Agosto dhidi ya Simba, umesogezwa mbele kwa siku moja ambapo sasa utapigwa Oktoba 21 kwenye uwanja wa Uhuru saa 9 Alasiri.
Meneja wa Habari na Mawasiliano wa Simba Ahmed Ali amethibitisha mabadiliko hayo ambapo amesema timu ya de Agosto iliomba kwa CAF baada ya kukosa ndege ya kuwafikisha mapema nchini.
Aidha mchezo huo hautakuwa na mashabiki de Agosto wakiweka msimamo wa kutohitaji mashabiki kuingia.
Mchezo wa mkondo wa pili utapigwa kwenye uwanja huo huo Oktoba 25 na wakati huu Simba itakuwa mwenyeji, mashabiki wakitarajiwa kushuhudia mtanange huo.
ADVERTISE HERE
