Kitendo cha klabu ya 15 de Agosto kugomea mashabiki kuingia uwanjani kwenye mchezo wa mkondo wa kwanza kuwania kufuzu hatua ya makundi ligi ya mabingwa dhidi ya Simba, kinaonyesha timu hiyo ina malengo ya kusaka ushindi na kufuzu hatua ya makundi.
Mechi zote kupigwa uwanja wa Uhuru jijini Dar es salaam ni faida kwa Simba kucheza uwanja wa nyumbani lakini pia de Agosto wangepata mapato na kunufaika kifedha kama wangeruhusu mashabiki kwenye mchezo huo.
Maana yake ni kuwa wamekataa kupata fedha wakiamini mchezo huo kutokuwa na mashabiki unaweza kuwapa nafasi ya kupata matokeo mazuri.
Uamuzi huo umepeleka ujumbe Msimbazi kuwa timu hiyo inakuja kushindana hivyo haipaswi 'kuchukuliwa poa'.
Meneja wa Habari na Mawasiliano wa Simba Ahmed Ali amesema wanazichukulia mechi zote mbili kwa uzito sawa lengo likiwa kuhakikisha wanakata tiketi ya hatua ya makundi.
Awali timu hiyo kutoka Guinea ya Ikweta ilitaka mchezo huo uhamishiwe Congo lakini Shirikisho la soka barani Afrika (CAF) likagomea maombi hayo kwa kuwa muda wa kuruhusu mabadiliko hayo hautoshi.
