Meneja wa Habari na Mawasiliano klabu ya Simba SC, Ahmed Ally, amewashukia vikali baadhi ya viongozi na mashabiki wa klabu ya Yanga, kufuatia hatua ya kumshambulia msemaji wa zamani wa klabu hiyo, Haji Manara "Bugatti".
Mzozo huo unakuja baada ya Manara kuonekana kwenye mahojiano ya utani wa soka na Ahmed Ally kufuatia kichapo cha mabao 2-1 ambacho Yanga ilikipata kutoka kwa Simba katika mchezo wa Dabi ya Kariakoo hivi karibuni.
Kupitia ukurasa wake wa mtandao wa kijamii, Ahmed Ally amewatolea uvivu Wanayanga akidai kuwa wanatafuta visingizio vya kushindwa kwao kwa kumshambulia mtu ambaye ana historia kubwa na klabu hiyo kuliko wao.
Nyuma Mwiko kuweni wavumilivu
Mlimchukua Mzee Said mkampa Unga wa Ndele akawa kama mjinga, kwenye utambulisho wa Magalasa yenu mkamtumia mshabiki wetu Camera kuhalalisha Mawata Galasa
@hajismanara__ ametembelea kijiwe chake cha Stesheni povu linawatoka,
Sasa tuwaambie Bugati hafukuziki huyo ni Yanga kuliko nyie wote, kama haitoshi nyie mmekuta hapo, ana historia kubwa na klabu hiyo kuliko nyie wakuja
Bugatti ni Yanga for life!!! Huyo ni wenu milele"
Manara ana historia kubwa na soka la Tanzania akiwahi kuzisemea klabu zote mbili Simba na Yanga.
Kwa sasa ni msemaji wa timu zote za Taifa na amekuwa akishiriki matukio mbalimbali ya mijadala ya michezo likiwemo tukio la juzi lililomkutanisha na Semaji
