Mikiki mikiki ya ligi kuu ya NBC inaendelea leo ambapo mchezo mmoja unatarajiwa kupigwa jijini Dar es salaam.
Vinara wa ligi hiyo klabu ya Simba itakuwa mwenyeji wa Mashujaa Fc katika mchezo utakaopigwa uwanja wa Uhuru saa 1 usiku.
Baada ya kupanda kileleni mwa msimamo wa ligi, itakuwa nafasi kwa Simba kuongeza gap la pointi juu ya msimamo dhidi ya timu zilizochini yake.
Simba itashuka uwanja wa Uhuru ikitoka kupata ushindi muhimu wa mabao 2-1 dhidi ya wapinzani wao wakuu Yanga katika mchezo uliopita.
Mkufunzi wa Simba Steve Barker ameweka wazi wanahitaji kushinda mchezo huo kabla ya kuhamishia nguvu zao kwenye michuano ya ligi ya mabingwa.
Simba inakabiliwa na mchezo wa mkondo wa kwanza kuwania kufuzu hatua ya makundi ligi ya mabingwa dhidi ya 15 de Agosto mwishoni mwa wiki.
