Kocha Mkuu wa Simba Steve Barker amesema kikosi chake kiko tayari kwa mchezo wa ligi kuu dhidi ya Mashujaa Fc ambao utapigwa kesho Jumanne kwenye uwanja wa Uhuru.
Akizungumzia maandalizi ya mchezo huo Barker alisema anatarajia mechi ngumu lakini mpango wake ni kuhakikisha wanaibuka na ushindi na kuendeleza mwanzo wao mzuri msimu huu.
"Maandalizi yamekamilika, tunatarajia kupata upinzani mkali kutoka kwa Mashujaa Fc"
"Tunakumbuka msimu uliopita walitupa changamoto kubwa lakini tumejipanga na tutaingia katika mchezo huo tukiwa na lengo la kuendeleza hali ya ushindi," alisema Barker
Aidha Barker amewataka mashabiki wa Simba kujitokeza kwa wingi uwanja wa Uhuru kuiunga mkono timu yao kama walivyofanya kwenye mchezo uliopita dhidi ya Yanga.
Wekundu hao wa Msimbazi wanarejea tena uwanja wa Uhuru siku tatu tu baada ya kuwaadhibu watani zao wa jadi Yanga katiika mchezo ambao uliacha gumzo baada ya Simba kutawala kila eneo la kuibuka na ushindi wa mabao 2-1
