Baada ya ushindi muhimu wa mabao 2-1 dhidi ya Yanga, kikosi cha Simba hakina muda wa kupoteza kwani Wekundu hao wa Msimbazi keshokutwa Jumanne watakuwa tena uwanjani kucheza mechi nyingine ya ligi.
Kwa mujibu wa ratiba, Simba itashuka uwanja wa Isamuhyo Jumanne Oktoba 13 kuikabili Mashujaa Fc katika mchezo utakaopigwa saa 1 usiku.
Baada ya mchezo huo Wekundu wa Msimbazi watakwea pipa kuelekea Guinea ya Ikweta tayari kwa mchezo wa mkondo wa kwanza kuwania tiketi ya kufuzu hatua ya makundi ya ligi ya mabingwa (CAFCL) dhidi ya 15 de Agosto.
Mchezo huo unatarajiwa kupigwa Oktoba 17/18 huko Guinea kabla ya Simba kurejea nchini kukamilisha mchezo wa mkondo wa pili
Baada ya ushindi dhidi ya Yanga, Mkufunzi wa Simba Steve Barker aliwapa wachezaji wake nafasi ya kufurahia ushindi huo walioupambania kwa jasho na damu.
Hata hivyo Barker akasisitiza kuwa sherehe hizo zilimalizika jana ileile na leo wanarejea kwenye maandalizi yao kuelekea mchezo unaofuata
