Mwenyekiti wa Klabu ya Simba SC, Murtaza Mangungu, amesema timu yake ilikuwa na uwezo wa kuifunga Yanga mabao 10 katika Dabi ya Kariakoo, kama wachezaji wangeongeza umakini katika kutumia nafasi walizopata.
Mangungu ametoa kauli hiyo baada ya Simba kuibuka na ushindi wa mabao 2-1 dhidi ya watani wao wa jadi, Yanga, katika mchezo huo uliokuwa na ushindani mkubwa.
Mangungu aliyebebwa na mashabiki wa Simba kwa furaha baada ya kutamatika kwa dakika 90, amesema Simba ilikuwa na nafasi za kuongeza mabao zaidi, lakini kukosekana kwa umakini katika kuzitumia kulifanya timu hiyo ishinde kwa tofauti ya bao moja pekee.
"Naweza kukwambia mechi nyingi tulizopoteza huko nyuma ni sababu ya mauza-uza lakini leo tumeonyesha uborwa wetu na pengine tulipaswa kuwafunga mabao mengi"
"Naamini tmu yetu ni bora na itaendelea kufanya viruzi na kufanya vyema katika mashindano yote msimu huu," alisema
Ushindi huo umeipeleka Simba kileleni mwa msimamo wa ligi wakiendeleza rekodi ya ushindi kwa asilimia 100 wakishinda mechi zote 7.
Aidha kocha mkuu wa Simba Steve Barker ameendeleza rekodi yake ya kibabe tangu msimu uliopita akishinda mechi ya 17 mfululizo kwenye ligi
