Meneja wa Habari na Mawasiliano wa Klabu ya Simba SC, Ahmed Ally, amewatoa hofu mashabiki wa timu hiyo kuelekea mchezo wa dabi ya Kariakoo dhidi ya Yanga SC uliopangwa kuchezwa Jumamosi hii, Oktoba 10, 2026.
Ahmed amekanusha vikali uvumi uliokuwa ukisambaa kwenye mitandao ya kijamii kwamba winga wao tegemeo, Libasse Gueye, amepata majeraha.
Amesema taarifa hizo ni za uzushi unaolenga kuleta taharuki, akisisitiza kuwa nyota huyo raia wa Senegal haumwi hata ukucha, ni mzima wa afya na yuko fiti kwa asilimia 100 kwa ajili ya mchezo huo.
"Gueye anaendelea vizuri na maandalizi ya nguvu pamoja na wachezaji wenzake na yuko kwenye kiwango bora cha kuwasha moto kwenye dabi," alisema Ahmed
Aidha Ahmed amesema kikosi cha Simba kimeingia kambini kukamilisha awamu ya pili ya maandalizi yao baada ya kukamilisha siku 10 za maandalizi nchini Afrika Kusini.
