Kikosi cha Simba kimemaliza kambi ya siku 10 nchini Afrika Kusini ambapo leo wanarejea Dar es salaam kuendelea na maandalizi kuelekea mchezo wa ligi kuu dhidi ya Yanga.
Akizungumza baada ya kukamilika program hiyo, Meneja wa Simba Patrick Rweyemamu alisema timu imepata wakati mzuri wa kujiandaa katika eneo lenye utulivu mkubwa.
Rweyemamu amesema kile walichokusudia kimekamilika licha ya kukiri changamoto ya baadhi ya wachezaji kuchelewa kutokana na tatizo la Visa.
Rweyemamu ameushukuru uongozi wa Simba chini ya Rais wa heshima Bilionea Mohamed Dewji 'Mo' kwa kufanikisha kambi hiyo.
Simba imerejea kukamilisha awamu ya pili ya maandalizi yake kuelekea mchezo dhidi ya Yanga utakaopigwa Oktoba 10.
ADVERTISE HERE
