Kikosi cha Simba kiliwasili mji wa Johanesburg jana ambapo leo kinatarajiwa kucheza mchezo wa kirafiki dhidi ya Sekhukhune United.
Huo utakuwa mchezo wa mwisho kwa Simba ambao utahitimisha maandalizi ya siku 10 nchini Afrika Kusini.
Meneja wa Habari na Mawasiliano wa Simba Ahmed Ali amesema baada ya mchezo huo kikosi cha Simba kitarejea nchini kukamilisha maandalizi yake kuelekea mchezo wa ligi kuu dhidi ya Yanga.
Jana Simba iliondoka Polokwane baada ya kukamilisha mchezo wa kirafiki dhidi ya Polokwane City wakipoteza mchezo huo kwa bao 1-0.
Wekundu wa Msimbazi wametumia vyema kipindi hiki cha mapumziko ya kalenda ya FIFA kwa kuweka kambi huko Afrika Kusini kuboresha maeneo yaliyokuwa na changamoto.
ADVERTISE HERE
