Timu ya Simba Queens imefuzu hatua ya fainali ya Ngao ya Jamii Wanawake 2026 baada ya kuichapa Yanga Princess mabao 3-0 katika mchezo wa nusu fainali.
Simba Queens ilitawala mchezo huo na kupata mabao yake kupitia Vivian Corazone, Senaf Wakuma na Merry Siyame, yaliyoiwezesha timu hiyo kupata ushindi mnono dhidi ya wapinzani wao wa jadi.
Kwa matokeo hayo, Simba Queens sasa itakutana na JKT Queens katika fainali ya Ngao ya Jamii Wanawake 2026.
JKT Queens ilitinga fainali baada ya kuifunga Mashujaa Queens bao 1-0 katika mchezo wa kwanza wa nusu fainali.
Kwa upande mwingine, Yanga Princess na Mashujaa Queens zitakutana katika mchezo wa kutafuta mshindi wa tatu wa mashindano hayo.
Simba Queens imeendeleza ubabe dhidi ya Yanga Princess wakigawa vipigo kwa watani zao hao kila timu hizo zinapokutana.
Ushndi huo umewapa bonus ya Tsh Milioni 20 wachezaji wa Simba Queens kutoka kwa mlezi wa timu hiyo Fatema Dewji
