Kocha Msaidizi wa Simba Suleiman Matola amerejea jijini Dar es salaam kuhudhuria kozi maalum inayotolewa na CAF kwa makocha wenye leseni A.
Matola alikuwa Afrika Kusini na kikosi cha Simba kilichoweka kambi maalum kwenye mji wa Polokwane kwa ajili ya maandalizi ya mechi zinazofuata baada ya mapumziko ya kalenda ya FIFA.
Matola amethiitisha kozi hiyo ni ya siku tatu ambayo imemfanya arejee jijini Dar es salaam huku akiwaacha wenzake kwenye benchi la ufundi wakiongozwa na kocha Steve Barker wakiendelea na kambi hiyo itakayodumu kwa siku 10.
“Narudi Dar es Salaam leo (jana) nina kozi fupi ya siku tatu ya Leseni A ya CAF ni utaratibu wa kawaida kwa makocha kusoma kila baada ya muda mfupi."
“Nitakuwa hapo kwa siku chache pamoja na makocha wengine mbalimbali kuhakikisha kuna kitu kipya napata,’’ Matola alinukuliwa na Mwanaspoti
Matola alikamilisha mafunzo yake ya ukocha mwaka jana na kupata leseni ya A ya CAF sasa akirejea kwa ajili ya 'refresher' kozi.
