Mastaa zaidi Simba watua kambini Polokwane

Kikosi cha Simba kinaendelea na kambi yake maalum ya maandalizi nchini Afrika Kusini katika mji wa Polokwane ambapo mastaa zaidi wametua kuungana na wenzao.

Jana mshambuliaji Ibrahim Doumbia pamoja na winga Anicet Oura walitua Polokwane kuungana na wenzao ambao sasa wana takribani siku tano tangu walipoanza maandalizi.

Imeelezwa sababu ya baadhi ya wachezaji kuchelewa ni kutokana na changamoto ya hati za kusafiria.

Simba inaendelea na maandalizi yake ya kimkakati kuelekea mchezo wa ligi kuu dhidi ya watani zao Yanga utakaopigwa Oktoba 10 jijini Dar es salaam.

Lakini pia maandalizi yao ni maalum yakilenga kuimarisha 'fitness' ya wachezaji baada ya kutopata pre-season nzuri kuelekea msimu huu.