Mlinzi wa kulia wa Simba Nathaniel Chilambo leo alikuwa sehemu ya kikosi cha Taifa Stars kilichoshuka dimbani nchini Morocco kukabili Madagascar katika mchezo wa kuwania kufuzu michuano ya Afcon 2027.
Mtanange huo ulimalizika kwa matokeo ya sare ya bao 1-1 Stars wakitangulia kufunga kupitia Cyprian Kachwele kabla ya Madagascar kusawazisha bao hilo kwenye kipindi cha pili.
Kocha Mkuu wa Stars Miguel Gamondi leo alimuanzisha Chilambo nafasi ya mlinzi wa kulia na unaweza kusema ni mmoja wa wachezaji wa Stars walion'gara katika mchezo huo akihusika kwenye ulinzi na kupeleka mashambulizi mbele.
Huo ulikuwa mchezo wa pili kwa Stars baada ya kupoteza mchezo uliopita dhidi ya Guinea Bissau.
Tanzania tayari imefuzu Afcon 2027 kama timu mwenyeji lakini inatumia mechi hizo za kuwania kufuzu kama sehemu ya maandalizi yake.
