Mabingwa wa soka Tanzania Bara Simba wameanza vyema kutetea taji lao baada ya kuichapa Tanzania Prisons bao 1-0 kwenye mchezo uliopigwa uwanja wa Taifa, Jumatano usiku.
Simba iliuanza mchezo huo kwa kasi na ilijipatia bao mapema tu kwenye dakika ya pili mfungaji akiwa Meddie Kagere aliyepiga shuti lililotinga wavuni akiwa nje kidogo ya 18.
John Bocco alimpa pasi ya kisigino Kagere ambaye hakufanya ajizi na kuukwamisha mpira huo wavuni.
Simba ilitawala mchezo huo kwa muda mwingi hasa kwenye kipindi cha kwanza ikikosa nafasi kadhaa za wazi.
Kwenye kipindi cha pili Tanzania Prisons ilirejea mchezoni na ilijaribu kusaka bao la kusawazisha bila ya mafanikio.
Katika kipindi hicho Kagere alikosa nafasi nyingine ya wazi ambapo mpira wake wa kichwa ulitoka sentimeta chache kwenye lango la Prisons.
Mchezo huo ulimshuhudia kiungo wa Simba Hassani Dilunga akilazimika kucheza na bandeji kichwani kabla ya kutolewa wakati mchezo ukielekea mwishoni baada ya kuuumia kwenye kipindi cha kwanza.
Ushindi huo umeifanya Simba iungane na timu za Mbao FC, Kagera Sugar, Biashara United na Ndanda FC ambazo zimeshinda michezo yao ya ufunguzi wa ligi.
Simba iliuanza mchezo huo kwa kasi na ilijipatia bao mapema tu kwenye dakika ya pili mfungaji akiwa Meddie Kagere aliyepiga shuti lililotinga wavuni akiwa nje kidogo ya 18.
John Bocco alimpa pasi ya kisigino Kagere ambaye hakufanya ajizi na kuukwamisha mpira huo wavuni.
Simba ilitawala mchezo huo kwa muda mwingi hasa kwenye kipindi cha kwanza ikikosa nafasi kadhaa za wazi.
Kwenye kipindi cha pili Tanzania Prisons ilirejea mchezoni na ilijaribu kusaka bao la kusawazisha bila ya mafanikio.
Katika kipindi hicho Kagere alikosa nafasi nyingine ya wazi ambapo mpira wake wa kichwa ulitoka sentimeta chache kwenye lango la Prisons.
Mchezo huo ulimshuhudia kiungo wa Simba Hassani Dilunga akilazimika kucheza na bandeji kichwani kabla ya kutolewa wakati mchezo ukielekea mwishoni baada ya kuuumia kwenye kipindi cha kwanza.
Ushindi huo umeifanya Simba iungane na timu za Mbao FC, Kagera Sugar, Biashara United na Ndanda FC ambazo zimeshinda michezo yao ya ufunguzi wa ligi.
ADVERTISE HERE
