ITC ya Chama bado haijatumwa - Manara

Kiungo mpya wa Simba Clatus Chama atakosa mchezo wa kesho wa ligi kuu ya Tanzania Bara dhidi ya Tanzania Prisons baada ya kuchelewa kwa leseni yake.

Akizungumza na waandishi wa habari leo, Afisa Habari wa Simba Haji Manara amesema wamekiandikia barua chama cha soka cha Zambia kuhakikisha wanatuma ITC ya kiungo huyo haraka iwezekanavyo.

"FIFA imewaandikia barua chama cha soka cha Zambia, na kuwapa deadline ya kuwa wawe wametutumia ITC ya Chama ifikapo August 22. Hivyo tunasubiri," amesema Manara.

"Kwa hali iyo upo uwezekano mdogo sana wa Chama kucheza mchezo wa kesho lakini tuna uhakika tutamtumia kwenye michezo itakayofuata."

Kwenye mchezo huo Simba pia itamkosa mlinda lango wake namba mbili Deogratius Munishi ambaye pia ana tatizo kama la Chama.

Kuhusu Okwi, Manara amesema upo uwezekano mkubwa akacheza mchezo wa kesho baada ya maumivu aliyopata kwenye mchezo wa Ngao ya Jamii dhidi ya Mtibwa Sugar kupungua.

Manara ameweka hadharani viingilio vya mchezo huo utakaoanza saa moja jioni kuwa ni ;

VIP A 15,000 (ELFU KUMI NA TANO)
VIP B 10,000 (ELFU KUMI)
MZUNGUKO 3,000 (ELFU TATU)
WATOTO 1,500 (ELFU MOJA NA MIA TANO TU)