Mchezo wa Simba dhidi ya Prisons wahamishiwa uwanja wa Taifa

Mchezo wa kwanza wa ligi kuu ya Tanzania Bara kati ya mabingwa watetezi Simba dhidi ya Prisons ambao awali ulipangwa kupigwa kwenye uwanja wa Uhuru, sasa utapigwa kwenye uwanja wa Taifa.

Mchezo huo utapigwa kesho Jumatano kwenye uwanja huo ukitarajiwa kuanza saa moja jioni.

Afisa wa Habari wa Simba Haji Manara ametangaza viingilio vya mchezo huo kuwa ni;

VIP A 15,000 (ELFU KUMI NA TANO)
VIP B 10,000 (ELFU KUMI)
MZUNGUKO 3,000 (ELFU TATU)
WATOTO 1,500 (ELFU MOJA NA MIA TANO TU)

Manara amewataka mashabiki wa Wekundu wa Msimbazi kujitokeza kwa wingi kesho uwanjani kushuhudia Mnyama anavyoanza ligi kwa kishindo.