Ukarabati uwanja wa CCM Kirumba unaendelea

Tayari homa ya mpambano wa Ngao ya Jamii kati ya mabingwa wa Tanzania Bara Simba dhidi ya mabingwa wa kombe la FA Mtibwa Sugar imeendelea kuwapanda mashabiki wanaosubiri mchezo huo jijini Mwanza.

Chama cha soka mkoani Mwanza kimeendelea na ukarabati wa 'pitch' ya uwanja wa CCM Kirumba kuhakikisha uwanja huo unakuwa kwenye hali nzuri kuhakikisha timu zinatoa burudani kwa mashabiki watakaofika kuushuhudia mchezo huo keshokutwa.

Simba iliyokuwa imeweka kambi mkoani Arusha inatarajiwa kuwasili jijini Mwanza leo tayari kwa mchezo huo ambao utapigwa Jumamosi, August 18 2018.

Mtibwa Sugar iliweka kambi jijini Dar es salaam, inaelezwa tayari imewasili mkoani Mwanza