Simba yaichapa F.C.E Ksaifa 3-1

Mabingwa wa soka Tanzania Bara, Simba walioweka kambi nchini Uturuki leo wamecheza mchezo wao wa mwisho wa kirafiki dhidi ya F.C.E Ksaifa.

Simba imeibuka na ushindi mnono wa mabao 3-1. Mabao ya Simba yamefungwa na Emanuel Okwi aliyefunga mawili huku moja likifungwa na Meddie Kagere.

Mchezo huo umehitimisha kambi ya Simba nchini Uturuki ikitarajiwa kuondoka nchini humo kesho Jumapili, August 05 kurejea Tanzania tayari kwa SIMBA DAY.

Kikosi cha Simba kilichoanza mchezo huo

1. Aishi Manula
2. Shomari Kapombe
3. Mohamed Hussein
4. Paschal Wawa
5. Erasto Nyoni
6. Jonas Mkude
7. James Kotei
8. Clatous Chama
9. Adam Salamba
10. Emmanuel Okwi
11. Shiza Kichuya