Simba kucheza na mabingwa wa Morocco kesho

Kikosi cha Simba kesho Ijumaa kitacheza mchezo wake wa pili wa kirafiki nchini Uturuki dhidi ya Ittihad Riadi De Tanger nayo kutoka Morocco.

Ittihad ndio mabingwa watetezi wa taji la ligi kuu ya Morocco walilotwaa msimu uliopita.

Huo utakuwa mchezo wa pili kwa Simba ambayo jana ililazimishwa sare ya bao 1-1 na Mouloudia nayo kutoka nchini Morocco.

Mchezo huo utapigwa saa kumi jioni kwa saa za Afrika Mashariki.