Brazil na Ubelgiji zimefanikiwa kutinga robo fainali ya michuano ya kombe la dunia baada ya kuibuka na ushindi kwenye michezo yao ya hatua ya 16 bora iliyopigwa Jumatatu, Julai 02, 201.
Wakati Ubelgiji ikipata ushindi wa tabu wa mabao 3-2 dhidi ya Japan, Brazil ilifanikiwa kuilaza Mexico mabao 2-0.
Mabao ya Brazil yote yalipatikana katika kipindi cha pili yakiwekwa kimiani na washambuliaji Neymar Da Silva na Firmino aliyefunga wakati mchezo huo ukielekea ukingoni akimalizia kazi nzuri ya Neymar.
Winga wa Chelsea Willian anayewindwa na klabu ya FC Barcelona ndiye aliyetengeneza bao la kwanza la Brazil lililofungwa na Neymar.
Brazil iliuanza mchezo huo taratibu na Mexico kufanikiwa kutawala kwenye kipindi cha kwanza huku ikifanya mashambulizi ya kushitukiza.
Hata hivyo hali ilikuwa tofauti kwenye kipindi cha pili kwa Brazil kulishambulia lango la Mexico kwa muda mwingi na kufanikiwa kufunga mabao hayo yaliyowapeleka robo fainali.
Mexico imeendeleza rekodi mbovu ya kuishia hatua ya 16 bora sasa ikiwa imeondolewa katika hatua hiyo kwa mara ya saba mfululizo.
Ubelgiji ililazimika kutoka nyuma kwa mabao mawili na kushinda 3-2 katika mchezo ambao Japan ilitoa upinzani mkali.
Japan ilihitaji dakika nne tu kufunga mabao yake mawili mapema tu kwenye kipindi cha pili kupitia kwa Haraguchi ma Inui.
Lakini wachezaji wa Ubelgiji wakiongozwa na nyota wao Eden Hazard, Kelvin De Bruyne na Romelu Lukaku hawakukata tamaa na juhudi zao zilizaa matunda kwa kupachika mabao yao kupitia kwa Vertonghen, Fellain na Chadli aliyefunga bao la ushindi kwenye dakika za nyongeza.
Brazil na Ubelgiji sasa zitachuana kwenye mchezo wa robo fainali
Wakati Ubelgiji ikipata ushindi wa tabu wa mabao 3-2 dhidi ya Japan, Brazil ilifanikiwa kuilaza Mexico mabao 2-0.
Mabao ya Brazil yote yalipatikana katika kipindi cha pili yakiwekwa kimiani na washambuliaji Neymar Da Silva na Firmino aliyefunga wakati mchezo huo ukielekea ukingoni akimalizia kazi nzuri ya Neymar.
Winga wa Chelsea Willian anayewindwa na klabu ya FC Barcelona ndiye aliyetengeneza bao la kwanza la Brazil lililofungwa na Neymar.
Brazil iliuanza mchezo huo taratibu na Mexico kufanikiwa kutawala kwenye kipindi cha kwanza huku ikifanya mashambulizi ya kushitukiza.
Hata hivyo hali ilikuwa tofauti kwenye kipindi cha pili kwa Brazil kulishambulia lango la Mexico kwa muda mwingi na kufanikiwa kufunga mabao hayo yaliyowapeleka robo fainali.
Mexico imeendeleza rekodi mbovu ya kuishia hatua ya 16 bora sasa ikiwa imeondolewa katika hatua hiyo kwa mara ya saba mfululizo.
Ubelgiji ililazimika kutoka nyuma kwa mabao mawili na kushinda 3-2 katika mchezo ambao Japan ilitoa upinzani mkali.
Japan ilihitaji dakika nne tu kufunga mabao yake mawili mapema tu kwenye kipindi cha pili kupitia kwa Haraguchi ma Inui.
Lakini wachezaji wa Ubelgiji wakiongozwa na nyota wao Eden Hazard, Kelvin De Bruyne na Romelu Lukaku hawakukata tamaa na juhudi zao zilizaa matunda kwa kupachika mabao yao kupitia kwa Vertonghen, Fellain na Chadli aliyefunga bao la ushindi kwenye dakika za nyongeza.
Brazil na Ubelgiji sasa zitachuana kwenye mchezo wa robo fainali
ADVERTISE HERE
