Mabingwa wa Ligi Kuu Tanzania Bara, Simba leo wanatarajia kuanza kampeni ya kuwania taji la Kombe la Kagame kwa kuwakaribisha Dakadaha kutoka Somalia katika mechi ya Kundi C itakayofanyika kwenye Uwanja wa Uhuru jijini Dar es Salaam.
Kwenye mchezo huo Simba itawakosa nyota wake muhimu kama nahodha, John Bocco, Emmanuel Okwi, Erasto Nyoni, Aishi Manula, Shomari Kapombe na Asante Kwasi.
Hata hivyo Kaimu Kocha Mkuu wa SImba, Masoud Djuma, amesema kuwa anakiamini kikosi chake kitakachopambana kuwania ubingwa wa michuano hiyo na kuongeza hii ni nafasi nzuri kwa wachezaji watakaoshiriki kuonyesha uwezo wao.
Djuma amesema Simba haijadharau michuano hiyo na hali ya nyota hao kuwa majeruhi ndiyo imewafanya wawaondoe kwenye michuano hiyo inayofanyika kwa kushirikisha timu 12 kutoka katika Ukanda wa Afrika Mashariki na Kati.
Kocha huyo alisema kuwa wanatarajia kutumia wachezaji wenye uwezo lakini hawakupata nafasi nzuri kwenye ligi na nyota wapya waliosajiliwa ili kuwapa nafasi ya kuonyesha viwango vyao ili msimu ujao utakavyoanza waweze kuisaidia timu kutetea ubingwa waliouchukua hivi karibuni.
"Tutashinda kombe hilo bila ya kuwapo fulani na fulani, hatujaidharau michuano hii, ila wale tumewaambia wapumzike kwa sababu ni wagonjwa, mechi nyingi walicheza wakiwa wagonjwa, baada ya Kagame kuna ligi na katikati kuna Ligi ya Mabingwa Afrika," alisema Djuma.
Aliongeza kuwa kila mechi kwao ni sawa na fainali na hawataidharau timu yoyote watakayokutana nayo kwenye michuano hiyo.
"Tumefanya mazoezi vizuri na kila mara nimekuwa nikiwaambia wachezaji wangu wanatakiwa kujituma na kuonyesha uwezo wao, chini yangu kila mmoja atapata nafasi ya kucheza, tunataka kufikia hatua ukitoa kitu, unaingiza kitu," aliongeza kocha huyo raia wa Burundi.
Baada ya mechi hiyo ya Simba itakayofanyika kuanzia saa 8:00 mchana kumalizika, AS Ports ya Djibout itachuana na Lydia Ludic kutoka Burundi.
Kwenye mchezo huo Simba itawakosa nyota wake muhimu kama nahodha, John Bocco, Emmanuel Okwi, Erasto Nyoni, Aishi Manula, Shomari Kapombe na Asante Kwasi.
Hata hivyo Kaimu Kocha Mkuu wa SImba, Masoud Djuma, amesema kuwa anakiamini kikosi chake kitakachopambana kuwania ubingwa wa michuano hiyo na kuongeza hii ni nafasi nzuri kwa wachezaji watakaoshiriki kuonyesha uwezo wao.
Djuma amesema Simba haijadharau michuano hiyo na hali ya nyota hao kuwa majeruhi ndiyo imewafanya wawaondoe kwenye michuano hiyo inayofanyika kwa kushirikisha timu 12 kutoka katika Ukanda wa Afrika Mashariki na Kati.
Kocha huyo alisema kuwa wanatarajia kutumia wachezaji wenye uwezo lakini hawakupata nafasi nzuri kwenye ligi na nyota wapya waliosajiliwa ili kuwapa nafasi ya kuonyesha viwango vyao ili msimu ujao utakavyoanza waweze kuisaidia timu kutetea ubingwa waliouchukua hivi karibuni.
"Tutashinda kombe hilo bila ya kuwapo fulani na fulani, hatujaidharau michuano hii, ila wale tumewaambia wapumzike kwa sababu ni wagonjwa, mechi nyingi walicheza wakiwa wagonjwa, baada ya Kagame kuna ligi na katikati kuna Ligi ya Mabingwa Afrika," alisema Djuma.
Aliongeza kuwa kila mechi kwao ni sawa na fainali na hawataidharau timu yoyote watakayokutana nayo kwenye michuano hiyo.
"Tumefanya mazoezi vizuri na kila mara nimekuwa nikiwaambia wachezaji wangu wanatakiwa kujituma na kuonyesha uwezo wao, chini yangu kila mmoja atapata nafasi ya kucheza, tunataka kufikia hatua ukitoa kitu, unaingiza kitu," aliongeza kocha huyo raia wa Burundi.
Baada ya mechi hiyo ya Simba itakayofanyika kuanzia saa 8:00 mchana kumalizika, AS Ports ya Djibout itachuana na Lydia Ludic kutoka Burundi.
ADVERTISE HERE
