Djuma asifu usajili wa Kagere

Kaimu Kocha Mkuu wa Simba Masudi Djuma amesifu ujio wa Medie Kagere, mshambuliaji mpya wa timu hiyo aliyesajiliwa jana kutoka klabu ya Gor Mahia.

Djuma amesema Kagere ni mchezaji mzoefu ataimarisha safu ya ushambuliaji ya Simba na ataisaidia sana timu hiyo kwenye michuano ya Kimataifa.

"Kagere ni mchezaji mzuri, nimefurahi tumefanikiwa kumsajili kwani atatusaidia sana kwenye ligi na michuano ya Kimataifa".

Simba imeendelea na mazoezi ya kujiandaa na michuano ya kombe la Kagame itakayoanza keshokutwa jijini Dar es salaam.

Mazoezi hayo yanayoongozwa na Djuma yanafanyika kwenye uwanja wa Boko Veterans jijini Dar es salaam.