Michuano ya kombe la dunia inaanza leo Urusi

Michuano ya kombe la dunia iliyosubiriwa kwa hamu na mashabiki wa soka duniani inaanza leo Juni 14, 2018 nchini Urusi kwa wenyeji kuchuana na Saudi Arabia.

Mchezo huo wa ufunguzi utaanza saa 12 jioni kwa saa za Afrika Mashariki.

Miongoni mwa wawakilishi wa Afrika, Misri na Morocco watashuka dimbani siku ya Ijumaa Juni 15.

Misri huenda wakaanza kampeni bila ya mshambuliaji wao tegemeo Mohammed Salah watakapoikabili Uruguay Ijumaa katika mchezo unaotarajiwa kuanza saa tisa Alasiri kwa saa za Afrika Mashariki.

Morocco moja ya timu zinazopewa nafasi ya kuibeba Afrika katika michuano hiyo, itashuka dimbani kuikabili Irani saa 12 jioni siku hiyo ya Ijumaa.

Ijumaa pia kutakuwa na mchezo wa kwanza wa kukata na shoka kati ya mabingwa wa Ulaya Ureno wakatapochuana na Hispania mchezo utakaopigwa saa tatu usiku.

Ratiba ya Michezo yote ya Mzunguuko wa kwanza